Ўйиндан кейинги матбуот анжуманининг иккинчи қисми дербидаги ғолиб жамоа устози билан ўтди.

- Мухлислар бир хил шароитдаги деярли тенг кучли жамоалар ўртасидаги учрашув гувоҳига айланишди, - деб гап бошлади бразилиялик мутахассис. Вазиятлардан тўғри ва унумли фойдаланганимиз якунда бизга ғалаба келтирди. Ўтган йилги “Пахтакор” билан хозиргисини ўртасида фарқ бор - жамоа анча кучайибди. Ўйлашимча, бу йил очколар фарқи ўтган йилдагидек йириклашиб кетмайди.

- Аввало жамоангизни мавсум стартидаги муҳим учта ғалаба билан табриклайман. “Бунёдкор” сўнгги икки учрашувда 2:0 ҳисобида олдинда бораётиб, ўйин охирларида ўз дарвозасидан гол ўтказиб юбормоқда. Бу эса Нестеровни ва ҳимоячиларни асабийлашувига олиб келмоқда.
- Асосийси – ғалаба! Футболчилар шароитидан келиб чиқадиган бўлсак, рақиб аъзолари 2:0 ҳисобидан сўнг дарвозамизга ҳеч бўлмаса бир тўп киритиш учун курашимоқда. Учрашувнинг иккинчи бўлимида “Пахтакор” бизни ҳимояланишга мажбур қилди. “Ал-Вахда” билан “Пахтакор”ни солиштирадиган бўлсам, ҳамшаҳарларимиз кучли тактик тайёргарликка эга жамоадир.

- “Пахтакор” ҳужумчиси Милорад Януш ҳақида қандай фикрдасиз?
- Януш учрашувни яхши савияда ўтказди. Рақиб билан тўп учун курашда, айниқса корпусларда устунлик қилди. Ҳимоя чизиғимиздаги футболчиларга етарлича ташвиш туғдирди деб айта оламан. У ҳали мавсум давомида “Пахтакор”нинг кўплаб голларига муаллифлик қилади.

- Бугун Стевица Ристич “Бунёдкор”даги дебютини ажойиб тарзда нишонлади. Бу билан уни Чемпионлар лигаси заявкасига кириш учун илк очколарини жамғарди десак бўладими?
- Бугунги учрашув олдидан ишлаб чиққан режамизни Стевица Ристич яхши бажарди. Уни Чемпионлар лигасига заявка қилишга келсак, биргина учрашувдаги ҳаракатларидан сўнг бирон нима дейишга эрта. Жоао Викторга ўхшаб, яхши тайёргарлик кўрса албатта уни Лига баҳларига қўшамиз.

- Бугунги “Бунёдкор”ни биринчи давра финалида ғолиб чиқди десак бўладими?
- Мамлакатнинг икки гранд клуби учрашувини нега айнан 1-турга қўйишганини ҳалигача тушунмайман. “Бунёдкор” ва “Пахтакор” бир-бирига муносиб икки кучли клублардир. Дербини 1- ва 2-давра охирларига белгиласа яхши бўларди. Биз одатдаги учрашувимизда ғалаба қозондик. Сизлар учун бу ўйин финалга ўхшаб кетган бўлса керак.

- Негадир Хайрулла Каримов захирада қолиб кетмоқда...
- Марказий ҳимоячиларимиз Анзур Исмоилов ва Анвар Ғофуровлар бир-бирларини яхши тушунган ҳолда, яхши ўйин кўрсатишмоқда. Ҳозирча ушбу ҳимоячилар ишончимни оқлашмоқда, қачонки қайсидир футболчи ўз ўйини орқали менда шубҳа уйғотса, шундагина Хайрулла Каримовга имконият бераман.