Аэропортдаги шодиёна
11.03.2010
Аэропортдаги шодиёна
Фан-клуб аъзолари “Ал-Вахда”ни енгиб қайтган ўз суюкли футболчиларини тантанали кутиб олишди.
Шаржа-Тошкент йўналиши орқали пойтахтимизга чоршанба куни соат 17:15да етиб келган “қалдирғочлар”ни мухлислар ўйин-кулги, хурсандчиликлар билан қарши олишди. Фанатларнинг энг катта олқишлари, ўз-ўзидан тушунарлики, “Ал-Вахда” дарвозасини икки бор нишонга олган Денилсонга йўналтирилди.
Фан-клуб аъзолари “Бунёдкор”нинг барча вакилларини Чемпионлар лигасидаги ғалаба билан қутлашди, уларга аъло кайфият тақдим этганлиги учун жамоага миннатдорчилик изҳор этишди ҳамда “қалдирғочлар”га навбатдаги учрашувларда омад ва муваффақият тиладилар.
