Чемпионлар лигасининг 2-туридан сўнг “Бунёдкор” ўз гуруҳида якка пешқадам бўлиб олди.

Хабарингиз бор, “қалдирғочлар” 2-турда Абу-Дабининг “Ал-Вахда”сини сафарда 2:1 ҳисобида мағлубиятга учратишиб, очколари сонини 6тага етказиб олишди.

“В” гуруҳининг иккинчи учрашуви Жидда шаҳрида маҳаллий “Ал-Иттиҳод” ҳамда Эроннинг “Зоб-Ахан” клублари ўртасида кечди. 1-турда “Бунёдкор”га йирик ҳисобда имкониятни бой берган саудияликлар ўз мухлисларига қувонч улашиш мақсадида илк дақиқаларданоқ асосий эътиборларини ҳужумга қаратишди. Ўз навбатда, илк турда “Ал-Вахда”ни мағлубиятга учратган исфахонликлар ҳам ўйинни ҳужумкор руҳда бошлашди. Биринчи бўлимда Энцо Троссеро шогирдлари эронликлар дарвозасини икки бор ишғол қилишди. Бироқ танаффусдан сўнг “Зоб-Ахан” аъзолари ўз устозларидан керакли кўрсатмаларни олишди ва буни иккинчи бўлимнинг илк дақиқалариданоқ амалда исботлашди. 50 ва 52-дақиқаларда Фарҳоди ва Нажаф “Ал-Иттиҳод” посбони Ал-Антаифнинг хатоларидан унумли фойдаланишиб, ҳисобни тенглаштиришди – 2:2.

“Ал-Иттиҳод” (Саудия Арабистони) – “Зоб-Ахан” (Эрон) 2:2
Голлар: Зиая 13 (1:0), Нур 41 (2:0), Фарҳоди 50 (2:1), Нажаф 52 (2:2)

"B" гуруҳи. 2-турдан кейинги вазият

3-ТУР
24 март (чоршанба)
“Ал-Вахда” – “Ал-Иттиҳод”
“Зоб-Ахан” – “Бунёдкор”