“Ал-Иттиҳод”нинг йирик мағлубиятини ҳеч ким кутмаганди. Шу боис ҳам араблар устози Энцо Троссеро ўйиндан кейинги матбуот анжуманида анча хомуш кўринди.

- “Бунёдкор” жуда яхши ўйнади, - деди аргентиналик мутахассис. – Биз рақиб футболчиларини ушлай олмадик. Мезбонлар 90 дақиқа давомида тўпни назорат қилишда яққол устунликка эга бўлишди.

- Жамоангиз айнан қайси жиҳатнинг эвазига мағлубиятга учради?
- “Бунёдкор” жамоавий ўйин кўрсатди. Бизда эса кўпроқ индивидуал ҳаракатлар ўринга эга бўлди. Ахир футболда жамоавий ўйин ҳамма нарсадан муҳим-ку!

- “Ал-Иттиҳод”га захирадан тушган футболчилар ҳам ёрдам беришолмади.
- Тўғри. Ўзгартиришлардан сўнг биз ҳужум қилишни озгина бўлсада оширдик. Бироқ захирадан чиққан футболчилар барибир ўйинга яхши киришиб кета олмадилар.