Сколарининг тақдимот маросимида “Бунёдкор”нинг янги стадиони ҳақида ҳам сўз борди.

“Қалдирғочлар”нинг янги стадиони ҳақида Германиянинг GMP компанияси вакили, ушбу лойиҳа бошлиғи Йорг Кройль маълумот бериб ўтди.
- Айни пайтда “Бунёдкор”нинг янги стадионидаги ишлар кенг кўламда олиб борилмоқда. Ушбу объектни 2010 йилнинг 21 мартига топшириш кўзда тутилган. Ўйлайманки, келаси мавсумда “Бунёдкор” ўзининг рақибларини янги стадионда қабул қилади. Бу арена 33 минг мухлисни ўз бағрига сиғдира олади, трибуналар эса мембранд билан ёпилган бўлади. Айтиш жоизки, ушбу стадион ФИФАнинг барча талабларига тўлиқ жавоб беради. Энг асосийси – стадион фақат спортнинг футбол тури учун мўлжалланган. Спорт комплекс худудида болалар учун футбол академияси ҳам қад кўтаради. Ундан ташқари 30дан ортиқ хонали меҳмонхона ҳам лойиҳамиз режасида бор. Лойиҳамиздаги 9та машғулот майдонининг 3таси суний қопламали бўлади.