24-30 сентябрь кунлари пойтахтимиздаги “Ўзбекистон” спорт мажмуаси залида мини-футбол бўйича мамлакат 14-миллий чемпионатининг 1-тур учрашувлари бўлиб ўтди.

Жорий йилги мусобақага бўлган қизиқиш ҳар қачонгисидан-да, кучли бўлди. Бу йилдан эътиборан футзалга ҳам мутасадди раҳбарлар алоҳида эътибор қарата бошлашганини амалга оширилаётган ишлардан пайқаш қийиш эмас. Фикримизни яқиндагина миллий терма жамоамизга бош мураббий этиб, бразилиялик Сержио Сапонинг тайинланиши ҳам исботлаб турибди. Ундан ташқари, бу йилдан бошлаб мамлакатимиз футболининг етакчилари – “Бунёдкор”, “Пахтакор” ва “Локомотив” клублари қошида мини-футбол жамоалари тузилиши ва улар “кичик” футболга соғлом рақобат олиб киргани 14-чемпионатга бўлган қизиқишни кучайтирмай қолмади.

Илгарилари чемпионлик учун “Ардус” ва “Строитель” жамоалари куриш олиб боришган бўлса, бу йил улар қаторига яна учта жамоа қўшилди - “Бунёдкор” ва “Пахтакор”дан ташқари, “Чирчиқ” жамоаси ҳам жорий йилги мавсумда етакчиларга жиддий қаршилик кўрсатишни мақсад қилганлигини сезиш қийин эмас.

1-тур баҳсларининг илк учрашувиёқ мухлислар сенсация тақдим этиши мумкин эди. “Чирчиқ” мамлакатнинг амалдаги чемпиони “Строитель”га етарли қаршилик кўрсатди, бироқ якунда барибир тажриба устун келиб зарафшонликлар 7:5 ҳисобида ғалабани илиб кетишди.

Иккинчи кунги баҳслари доирасида мухлислар худди катта футболдаги каби пойтахт дербиси - “Пахтакор” ва “Бунёдкор” қарама-қаршилигига гувоҳ бўлишди. Иккала жамоани қўллаб-қувватлаш учун “Ўзбекистон” спорт мажмуаси аренаси ўриндиқларидан фан-клуб аъзоларининг ўрин эгаллаши ва тинимсиз олқишлашлари ўйин шиддатини кучайтирди. Бироқ мини-футболда “қалдирғочлар” “шерлар”дан ҳар жабҳада устун эканлигини ўйин кўрсатиб берди, якуний натижа – 7:2 “Бунёдкор” фойдасига.

Учинчи кунги баҳслар ичида “Бунёдкор” энди “Строитель” устидан 3:2 ҳисобида ғалаба қозониб, бу йил “Ардус”га ҳақиқий рақобатчи ким эканлигини кўрсатиб берди.

Терма жамоага номзод бўлган футболчиларни кўздан кечириш мақсадида Сержио Сапо деярли ҳар бир учрашувни кузатиб борганини таъкидлаш жоиз.

1-тур натижалари
24 сентябрь
“Чирчиқ” – “Строитель” 5:7
“Олтин тола” – “Пахтакор” 4:8
“Бунёдкор” – “Нафис” 10:4
“Когон” – “Сўғдиёна” 3:2
“Чотқол” – “Локомотив” 1:10
“Ардус” – “Турон-С” 5:1

25 сентябрь
“Локомотив” – “Ардус” 2:6
“Сўғдиёна” – “Чотқол” 7:7
“Нафис” – “Когон” 4:4
“Строитель” – “Олтин тола” 6:0
“Пахтакор” – “Бунёдкор” 2:7
“Гулистон” – “Чирчиқ” 1:4

26 сентябрь
“Олтин тола” – “Гулистон” 10:5
“Бунёдкор” – “Строитель” 3:2
“Когон” – “Пахтакор” 0:9
“Чотқол” – “Нафис” 3:9
“Ардус” – “Сўғдиёна” 8:2
“Турон-С” – “Локомотив” 6:5

27 сентябрь
"Сўғдиёна" - "Турон-С" 3:0
"Нафис" - "Ардус" 2:9
"Пахтакор" - "Чаткал" 12:4
"Гулистон" - "Бунёдкор" 1:9
"Строитель" - "Когон" 4:2
"Чирчиқ" - "Олтин тола" 6:1

28 сентябрь
"Бунёдкор" - "Чирчиқ" 2:1
"Когон" - "Гулистон" 6:3
"Чотқол" - "Строитель" 2:17
"Ардус" - "Пахтакор" 6:0
"Турон-С" - "Нафис" 6:3
"Локомотив" - "Сўғдиёна" 5:0

29 сентябрь
"Нафис" - "Локомотив" 3:3
"Пахтакор" - "Турон-С" 2:4
"Строитель" - "Ардус" 2:3
"Гулистон" - "Чатқол" 14:2
"Чирчиқ" - "Когон" 12:2
"Олтин тола" - "Бунёдкор" 3:11

30 сентябрь
“Когон” – “Олтин тола” 2:4
“Чотқол” – “Чирчиқ” 1:14
“Ардус” – “Гулистон” 15:2
“Турон-С” – “Строитель” 3:3
“Локомотив” – “Пахтакор” 1:8
“Сўғдиёна” – “Нафис” 0:6

ТЎПУРАРЛАР: