Фан-клуб ҳаракатидан
Мамлакатимизда миллионлар ўйинини севувчилар миллионлаб топилса-да, бундан 2-3 йил илгари жамоаларимиз қошида ишқибозлар клуби (фан-клуб) ҳозиргидек фаоллиги билан кўзга ташланмас эди. Стадионларимиз ишқибозлар билан тўлиб тошса-да, бутун ўйин давомида ўзларининг севимли жамоасини футболчилар билан бир хил рангли футболкаларни кийиб олиб, юзларини клубнинг рамзий рангларига бўяб, қўлларида турли хил байроқлар, барабанлар, дудкалар ва шунга ўхшаш футболчиларга завқ улашувчи нарсалар билан уларни қуллаб-қувватлайдиган фан-клублар ташкил этилмаганди.
Сўнгги йилларда мамлакатимиз футболида олиб борилаётган ислоҳотлар клубларимизни ҳар жабҳада ривожланишига туртки бўлмоқда. Стадионларимиз аҳволлари яхшиланмоқда, ишқибозларга қулай шароитлар яратилмоқда, майдонларимиз ҳолати яхши савияга келтирилмоқда... Бир сўз билан айтганда, илгарилари стадионларимизда ҳукмронлик қилган зерикарли муҳит ўрнини ҳозирда европача гўзаллик эгаллаган.
Бу борада фаоллик кўрсатаёган “Бунёдкор” фан-клуби ҳаракатидан туширилган қуйидаги суратларни кўриб, ўзингиз ҳам бунга амин бўлишингиз мумкин.
Суратлар муаллифи - Ҳасан ПИРМУҲАМЕДОВ
